[チェリまほ│黑安] 黨鐵壞車真的很興奮 (香港設定) (0122完結) [普]

香港設定 廣東話 偏鳩 有粗口

經過檢討
篇文實在唔適合譯做書面
會冇左果種貼地得黎又有d骨痺嘅韻味
所以我都係決定唔譯了 就當係地區限定嘅禮物吧
其他地區的姨母姨父們 對不起了 這篇不會有書面版 還是別的作品再見吧

是咁的 2/12/21呢日傍晚 黨鐵港島線甩車門搞到銅鑼灣果邊嘅列車停駛
小弟我咁啱果段時間果度收工 D車塞到食哂屎
要過返海就要由銅記行到去北角先搭得到車返屋企
一路行去北角 我開啟左腦洞︰如果暗戀期嘅黑澤可以趁住呢個timing同安達BB一齊行就好啦
所以開左呢個短篇 我盡量寫短D
睇心情 就咁

1.

黎到6點幾7點呢啲港島人收工嘅時間，喺希慎收工嘅安達清一如往常咁跟住條人龍行到銅鑼灣站F出口，落到月台嘅時候，果位除左阿媽之外佢最熟嘅小姐竟然講左一段佢平時唔會講嘅說話。

「以下係最新車務狀況……來往灣仔至太古站嘅服務暫時停止，請選用其他公共交通工具，不便之處敬請原諒」

大姐啊，收工你先黎同我壞車？Play 9 me?

登入/註冊後可看大圖

黑澤優一開完會返到位時好快望到手機各個whatsapp group瘋傳緊嘅cap圖，真心覺得今日可能真係不宜出行。

仆你個街啦，今日俾個臭八纏左勁耐先搞得掂張單，OT本身都已經燥，你老尾竟然黎同我壞車？真心燥左。

黑澤一路執野一路屌鬼，臨走之前仲睄左眼安達個位，屌，連安達BB都走埋，想話𥄫兩眼補充下能量都唔得，燥撚埋右。

黑澤拎住之前網購返黎但因為size唔啱而一直冇帶番屋企嘅新波鞋同著開果對，直接行左去維園諗住打番場街波先再搵辦法返屋企。

就黎到維園外圍果陣，突然覺得前面果條孭背囊嘅西裝友個背影好鬼熟口面，尤其係有少少蓬鬆嘅頭髮。黑澤行快幾步行到佢後面，雖然個天好黑，但佢望左幾秒，終於憑住個髮型加身型成功點到安達相。

「安達？」咁啱安達上一首歌outro fade out緊，又真係聽到有人叫自己。

「咦？黑澤？」安達份人雖然唔擅長社交，但佢都係好有禮貌嫁，一見到係識得嘅人就即刻㩒停左首歌。

「真係你啊？我以為我認錯人添」

「有D料喎，咁多人都係呢個look你都認得出係我」安達都估唔到咁都畀黑澤點到相，窒左一下先應到機。

「我認得你右邊耳仔對落第十八條頭髮係開岔嫁嘛」傻啦偷𥄫左你咁多年點會唔認得你啊。

「…三叔，我冇爭你錢嫁可？」

黑澤見安達肯接佢gag都好開心，非常自然地行埋安達隔離繼續向前行，「星仔，最近好唔掂咩？做咩搭11號巴士返屋企咁慘慘豬啊？」

「鬼咩，黨鐵壞車嘛，我唔使游水返屋企都偷笑啦」哦？原來安達要搭紫色線嫁？Noted!

「做咩唔食埋個飯先啊？話唔定食完就有番車呢？」

「唔啦，頭先臨收工清左pantry D雞蛋糕，未落哂格，又唔想同人逼，都係返屋企算」

「哦果間啊？我附近買嫁咋，諗住搵大家幫手試下味，好唔好食啊？」

「原味都幾有水準，又幾足料，唔係空氣黎…」

只要身為Top Sales嘅澤少想，佢同客之間就唔會有dead air，遇到可以同安達BB一齊漫步返屋企(?)呢D千載難逢好機會嘅澤少完全忘記左自己原本係打算去打番場街波，勁興奮咁不停搵野講，好彩安達都冇發現佢比平時囉嗦。

行到維園外圍某個涼亭果陣，安達對耳機因為停得太耐自己熄左，聽到熄機聲佢先醒起原來一直都冇除落黎，喺褲袋度拎番耳機盒出黎收機，黑澤即刻耷低頭起勢咁𥄫個盒諗住睇下安達BB係用咩牌子耳機啦，但可惜個盒係黑色，而且佢地仲要咁啱行到比較暗嘅位置，所以佢睇！唔！到！

我！屌！

黑澤飲恨嘅同時，安達留意到佢個紙袋入面似乎有兩對鞋，「做咩拎住兩對鞋返工嘅？」，見BB竟然對自己有好奇，澤少即刻乜都唔記得，開始解釋，冇啊對鞋我之前Black Friday上網買嘅但點知著上腳又細左D諗住放上Carousell賣番出去blah blah blah，講講下就望左去安達對腳度。

電光火石間，佢諗到一條好橋。

「安達啊，不如你試下佢？」

我自己笑到傻左wwwwww

維園外涼亭

登入/註冊後可看大圖

雖然安達一早聽講過黑澤以前係學界籃球冠軍，1V1就輸硬嫁啦，但如果係齋鬥射籃，安達又覺得可以一戰。話哂佢都玩左咁多年籃球機，命中率都唔低，只要俾番些少時間佢搵下手感，佢未必會輸。

如是者，黑澤問隔離場相熟嘅金毛仔小湊借左兩個籃球，拍住波咁話自己有打開波，要公平番D，讓安達企籃框下面射，佢就企番三分線。正打算熱身嘅安達子除低件褸掖高衫袖，覺得黑澤都講得幾有道理，就點左頭，各自開始練習射籃。黑澤拉左小湊過黎幫手做評判，仲同佢咬左陣耳仔，不過好彩安達子掛住練習冇睇到。

A few moments later

比賽規矩好簡單，兩人各射5球，邊個入得多就贏。小湊同佢另一個朋友負責錄影同睇實黑澤有冇踩界，安達子有D疑惑，打波咪打波囉，冇啦啦做咩錄影？小湊見佢誠心誠意咁問，就大發慈悲話佢知啦。

「冇~呢個係澤少嘅習慣黎嫁，拍低左就可以睇番自己邊度做得唔好，下次改善喎。不過今日會拍埋你嫁，費事你地走數啦」

「喂，開波啦」澤少唔想見到安達BB喺自己面前同其他男人講野，老遠咁傳左個波過黎，小湊手快接住，「知啦澤少~行啦」

安達企左喺自己頭先練落最順手個位，拍左兩下，調整好呼吸，瞄準好籃框，微微曲膝，起跳嘅同時，左手輕輕扶住個波，右手手腕用力，「嘭」，個波撞左下板，再直穿籃框，穿針得分。

「Yes!」初戰告捷，安達少少興奮，揸實拳頭細聲歡呼嘅cute樣畀小湊個朋友錄低哂，澤少同佢單左下眼，確保錄低哂就衝左過去同安達子黎左個high five。

Yes! 成功掂到BB手仔！

安達趁住手感唔錯，繼續射籃，入左波澤少會歡住呼拍手嗌Nice Shot，撻Q果陣仲肉緊過佢本人，大力拍哂大脾咁，果句「哎呀！」簡直同「轉身射個三分波」個廣告一模一樣，安達子差啲忍唔住笑。

估唔到黑澤又幾cute喎。

老老竇竇，喺安達子射籃期間，澤少keep住都係處於一個好糾結嘅狀態，因為安達BB雀躍興奮個樣真係太cute啦！Cute到佢好想衝上去抱住佢轉圈圈！但佢都知道自己咁做會嚇親BB，就唯有用high five代替。

黑澤既想睇耐啲BB可愛到暈嘅樣，又唔想佢真係贏左自己搞到佢俾番錢自己，但又唔捨得BB因為撻Q而失落喎！啊！真係好糾結啊啊啊！！

不過勝負呢家野呢，就輪唔到佢控制嘅，安達子最終成績係5球入3球，雖然唔叫好叻，但安達都滿意嫁啦，交波俾佢果陣仲好認真咁講左句「你認真啲射啊，俾我知道你讓賽嘅話…」

澤少對眼望到安達實一實，有少少緊張咁吞左啖口水咁等佢講埋落去。

安達子講講下先醒起，咦唔係喎，我有咩可以做到先，嗯……好似又真係冇。

(係啊安達子其實你真係吹人地唔脹嫁)

「……我嬲嫁」諗左差唔多成十秒，安達子先好認真咁講左一個佢覺得起碼會有DD威脅嘅後果出黎，澤少本身都有少少想讓賽嫁，但安達子一講完，喺呢一個Moment，佢決定，要爆啦。

如果因為讓賽而激嬲BB，佢真係切腹都唔撚掂。

「好」澤少點左下頭，唔再講廢話，開行左認真Mode——一野將條呔扯開哂，除左落黎掟俾安達，將衫袖完全捲上手肘，仲踎低重新綁多次鞋帶。

安達子覺得個心口好似畀人重撃左一下咁，但係點解呢？佢都未find out到個原因，澤少已經企左去三分線度準備射籃。

安達子即刻褪開幾步，企埋一邊望住佢等佢開始。只見澤少拍左三下波就好快咁起跳射籃，成套動作就好似拍戲咁變左慢鏡頭，唔止係佢嘅微表情，就連跳起果刻喺佢額角流落鬢邊果一滴汗都變到一清二楚。明明同自己頭先嘅動作一樣，但黑澤嘅動作極之流暢，籃球喺空中呈現完美嘅拋物線，個波一離手佢就合埋手指成拳，仲開始笑。

明明佢只係嘴角輕微上揚，但安達感覺呢個笑有種魔力，令人覺得佢呢一球，係一球完美嘅三分波，毋庸置疑。

安達子突然諗番起當年有迷過嘅動漫《男兒當入樽》，裡面個神射手三井壽都係咁樣，對自己嘅投球，有絕對嘅自信。

個波穿過籃框之後好快就垂直落左地，「咚咚」咁彈左幾下，澤少行前幾步就撈番個波，邊拍邊企返原位準備射下一球。

「三分！Nice Shot!」安達表面上好正常咁大叫左一句鼓勵嘅說話，但其實喺心入面已經尖叫左出聲。

『澤少！！好有型啊~~~！！！』

喺好耐之後，安達子偶然睇到一段韓劇clip先搵到更適合嘅文字去形容自己果一剎那嘅心情。

咚的一聲

咚咚一聲

心

震天動地

持續著令人眩暈的擺動

那正是初戀

安達清，淪陷了。




安達子睇到果條clip




我明明寫緊鳩文 點解突然間文藝左嘅...?
由於時間關係 安達子已經心動了

黎到第5球，三井壽上身嘅澤少前4球都入左，贏就贏梗嫁啦，但佢想喺BB面前做個百發百中嘅男人，全力做到最好。但過猶不及，最後一球竟然撻左Q，一心以為會入嘅澤少喺個波彈出黎果下簡直人都癲，「啊！！！」

澤少崩潰到一路大嗌一路雙手抱住頭踎低左，安達子畀佢嚇親，即刻將手上條呔掛上自己頸衝埋去，「喂黑澤，你做咩啊？」佢唔係好明，都贏左啦，做咩仲咁大反應？

「啊~~好柒啊…竟然射失左…」澤少瘀到用手遮住面，講野好似蚊咁細聲。

安達喺佢面前踎低左，手掌搭左上佢膊頭，「邊度柒姐，都不知幾有型」

「……真係嘅？」黑澤以為係自己聽錯，望住安達想確認多次。佢明明射失左，BB竟然仲讚佢有型？

「真！」珍珠都冇咁真，型到裂左。

「你唔使安慰我啦…」黑澤一早就知道BB心地好善良，肯定係因為咁先會黎安慰自己，嗯肯定係，又繼續掩面panic。

「……其實我想問你一個問題好耐嫁啦」

「……」雖然黑澤冇應佢，但安達知道佢有聽緊自己講野。

「成日都做到咁完美，唔攰嫁咩？」

一開始，安達對於黑澤呢個人嘅「完美」印象好深，但有時望住佢明明好攰都頂硬上嘅姿態就會諗，佢咁樣迎合人地對佢嘅期待，唔辛苦咩？

安達唔止一次喺公司pantry或者廁所度聽到有人講佢壞話，說話講得好難聽，但安達知道，根本就唔係黑澤有邊度做得唔好，而係佢方方面面都做得太好，D人出於妒忌先喺背後中傷佢。

所有人都覺得佢係靠樣搵食，根本就唔知道亦都冇人想了解佢背後究竟付出左幾大嘅努力，見過好多次黑澤OT嘅安達愈諗愈戥佢唔抵。

「唔入又點姐，努力左咪得囉，唔完美都幾好啊，夠貼地吖嘛」安達微微一笑，拍左兩下膊頭就企番起身，聽到佢咁講嘅澤少滾動到差D流馬尿，BB……

你咁sweet得唔得嫁…

澤少忍住眼淚，嗯左一聲先拎開左一直遮住面嘅手，最先見到嘅係佢成功送左俾BB嘅新波鞋，然後係BB睇落有些少肉地嘅手掌。嗯？手掌？最後先係BB有少少紅嘅面。「恭喜哂喎澤少」

啊！！BB伸手扶我起身啊！！BB叫我做澤少啊！！！！

咁幸福得唔得嫁…

一直都只係暗戀安達嘅黑澤開始懷疑其實會唔會今日發生嘅一切都係自己嘅幻覺，如果唔係點會咁幸福姐…佢有D熬，死啦會唔會一拖上去就會醒嫁？俾我Enjoy多陣先啦…黑澤伸手嘅動作有D遲疑。

死啦佢咁耐都唔肯拖住我手起身，會唔會係好唔中意同我有身體接觸啊…但同事之間扶一扶都好正常姐，唉死就死啦。

下定決心嘅安達主動捉住左黑澤隻大手，捉實之後用力一野拉起左佢，畀安達用無情力拉一拉嘅黑澤有少少失平衡，撞左落安達度，佢即刻用另一隻扶實安達另一隻手臂，兩個先企得定，但個距離就…

不得了…

近到不得了…

近到好似就黎要kiss咁…

安達意識到距離得太近之後，紅都面哂咁鬆開手，「我去洗個面先」，小湊行過黎果陣hea住同佢講左聲唔該哂，就真係衝左去公廁出面個洗手盤度洗手洗面。

見證住成件事點發展嘅小湊見澤少呆撚左咁嘅樣已經估到佢咩料，將部電話塞左入佢褲袋，「D片我airdrop左俾你嫁啦，走先」

深藏功與名。

深藏功與名
網絡流行語，引申意多用來形容那些做完好事、大事卻深藏不露、不為人知的人

打完友誼波嘅黑澤安達洗完手洗完面，黨鐵都仲未恢復行車，兩個人唯有繼續行往北角，一路上有講有笑，仲入左一間睇落唔錯嘅居酒屋度食飯。

話題亦都由講老細壞話拓展到其他比較私人嘅範疇，黑澤成功收集到好多有用嘅情報，例如安達其實係住將軍澳站附近，同住康城嘅自己其實好近，只不過朝早從來都冇撞到過對方咁解。

都係嘅，安達成日都瞓到最後一分鐘，頭都唔梳就仆出門口，梗係撞唔到啦。

而且講起中意咩漫畫先發現原來大家都中意《男兒當入樽》，黑澤中意三井壽，安達中意四眼哥哥木暮公延，講到興起，仲約埋下年電影上畫果陣一齊去睇。

多謝井上大大。黑澤埋完單行出餐廳果陣發自真心咁感謝井上雄彥。

傾下傾下，兩個人行到去天后間M記，安達眼尾睄到甜品站個廣告，忍唔住停低左眼甘甘咁望實個廣告版——OMG! 乜今期老麥雪糕係做抹茶主題咩？點解我唔知嫁？？咁大件事抹茶關注組冇人講？？

觀察力MAX嘅澤少自然睇得出BB係想食雪糕啦，馬上捧住個肚交戲，「啊安達啊，我有D唔夠飽，不如我地食番杯雪糕先？」雖則澤少份人麻麻地食甜野，但BB望到眼都突埋，點可以唔陪佢食先？

安達好興奮咁點點頭「嗱頭先張單畀你搶左埋，呢餐你冇得同我爭嫁，你隨便揀」安達雖然唔係好叻社交，但都明白有來有往嘅道理，爭住拎銀包出黎畀錢，黑澤就笑笑口咁話好啊咁你會揀乜啊，「嗯…呢個朱古力脆皮抹茶新地就冇得輸嘅，但新出嘅期間限定麥旋風有麻糬又有oreo碎喎」

安達BB岳高頭望住menu咬下唇糾結個樣實在太犯規啦！不自覺跟住安達咬唇嘅澤少好快就決定好食咩「咁啊…不如你要抹茶新地，我要麥旋風囉，咁你咪可以食哂兩隻味囉？」

「…你唔介意同我share？」

「梗係可以啦，其實我都喺呢兩款之間十五十六緊嫁」其實佢吹緊水，佢只係想食你口水。

「咁好啦，唔該，我想要個走花生嘅…」安達冇懷疑，轉身就同店員落單。

傻啦，澤少不知等左呢一日幾耐，又點會介意姐？

雪糕整好之後，黑澤就幫兩杯雪糕打卡，仲趁安達冇留意，喺前面用前鏡偷拍左一張佢冇望鏡頭嘅自拍合照。安達用少少力整爛層脆皮，食左第一啖新地之後，忍唔住嗯~左出聲，「好好味啊~好掛住隻味啊~」安達BB滿足嘅表情令黑澤笑到眼紋都出哂黎，「真係？我又試下先」專登用自己匙羹喺安達頭先食果個位置度舀左一啖送入口，雖然真係唔係好慣食甜野，但澤少個心甜到漏啊~

如果可以同BB一齊食，食到佢糖尿病又點話啊？

「嗯~又真係幾好食喎~你都試下我呢個啦」跟手就遞左自己果杯畀安達舀，見佢剩係舀左雪糕，黑澤就知道機會黎啦飛雲！「仲有粒麻糬啊~」借D意用自己隻匙舀左粒麻糬餵埋畀安達食。安達雖然有少少唔慣，但喺麻糬嘅誘惑同黑澤鼓勵嘅眼神之下都乖乖擘大口食左，不得了「嗯~~加左麻糬都好好食啊~~」激動到fing哂手仔咁，可愛到澤少個心臟有D受唔住。

兩個人人手捧住一杯雪糕，你分一啖畀我，我又畀一啖你咁，好似一齊放學嘅中學生咁一路行一路食，終於行到去北角站入口。

登入/註冊後可看大圖

登入/註冊後可看大圖

由北角上去將軍澳嘅車程本身只係得13分鐘，雖然架車不時駛下停下，黑澤亦都求神拜佛個司機可以行得慢D，司機亦都冇畀面澤少，喺10分鐘之內就已經駛入左調景嶺站，最多4分鐘，佢地就要落車。

黑澤把握最後機會，用另一隻手趁人少少自拍左安達挨住自己瞓覺嘅樣，就算明知道係意外，但佢都好想留番個紀念。先將自己個頭輕輕貼埋安達度，再合埋眼微笑，㩒掣。

「喀嚓」

Shit! 唔記得左熄聲添！

澤少嚇到個心都離一離，即刻睇下安達有冇咩反應。好彩等左十幾秒安達嘅呼吸都冇任何變化，佢快手轉番後鏡影左幾張安達嘅大頭，收埋部機之後先扶住佢左邊膊頭搖左佢兩下「安達…？就到啦，醒啦」

安達本身都已經挨左落黑澤左邊膊頭，佢仲好有機心咁唔坐番開，特登扭轉少少個頭湊埋去用右手扶佢左肩，個距離比佢地頭先喺球場果陣仲近左。

痴線咁樣勁親密，真係勁似情侶囉。

正當佢喺度FF之際，安達皺左下眉就一野坐番直，眼都未擘開哂就已經對住佢個方向點頭講聲唔好意思，拎野起身落左車，仲要睇落冇任何唔自在或者怕醜，黑澤有啲估唔到佢會係咁嘅反應，匆忙跟住佢落左車。

終於追上安達遞番耳機畀佢，佢先至回魂，收番埋之後又捽左下眼望向佢道多次歉，「sor啊，我成日都唔小心瞓瞓下挨左落人地度嫁，冇整皺你件衫吖嘛？」

Excuse me!? 挨落人地度？仲要成日？即係有其他阿豬阿狗都咁近距離睇過你嘅睡顏？我冇聽錯吖嘛？

安達清！你知唔知自己喺度講緊啲乜啊！？你竟然對出面啲阿豬阿狗亳無防備？

澤少諗到呢個可能性，成個人著左，著到噴火。

「唔識嘅人你都挨，你有冇諗過我感受啊！？」一個唔小心，因為今日第一次同安達有咁多接觸而喺心入面有些少當正自己係正印嘅澤少講左心入面果句出黎，眼火爆咁倔住完全唔明發生咩事嘅安達。

安達慢半拍咁消化完佢講左咩之後就更加清醒，用一種你無啦啦發乜癲嘅半鄙視半無視嘅眼神望住佢。

「我都係講事實姐，皺左污糟左最多咪幫你拎去乾洗熨番直佢囉，歉我都道左啦，你仲想我點姐」一向好好脾氣嘅安達見黑澤咁無理取鬧都有些少燥左。

「我根本就唔係講緊呢樣野！」黑澤介意嘅根本就唔係件衫污唔污糟，而係——佢竟然唔係唯一一個可以俾BB挨住瞓覺嘅男人啊！

「你唔中意我hi到你你咪叫醒我囉？而家先黎發咩脾氣姐？」有潔癖咪出聲囉，而家先黎馬後炮？

雖則安達係個A0仔，但黑澤呢句有冇諗過我感受都咪話唔經典，由細到大睇戲都聽唔少啦，之不過通常呢句台詞都唔會出現喺同事之間嫁喎…

「唔係唔中意你hi到我啊…我邊有發你脾氣姐…我只係覺得咁樣唔係咁好咋嘛…」一個唔覺意將心入面果句講左出口之後，黑澤都有D慌，口疾疾咁開始兜。

安達瞓左個覺之後個頭腦清醒好多，秒速回想番今晚兩個人之間嘅互動，由黑澤主動R水吹、涼亭入面堅持幫自己著波鞋、想免費送對鞋畀自己、搵人拍片、借d宜約睇戲、食雪糕果陣又成日用佢隻匙黎餵自己、同自己share耳機、挨左落佢膊頭瞓都唔即刻叫醒自己，再到而家仲要係話自己挨落唔識嘅人度係唔顧佢感受…

呢個人，相當有嫌疑喎…

安達心入面開始有個大膽嘅猜測，條友…會唔會係…

「即係唔係潔癖啦？」安達一問，黑澤就狂點頭，驚死佢以為自己真係唔中意佢挨落自己度。

「咁我係咪挨落人地度又關你咩事呢？」

哇，呢一下簡直正中紅心，問到黑澤擘大個口得個窿，唔知點樣答佢好。

貴為豐川Top Sales嘅黑澤竟然俾自己嘅問題問到口啞啞，安達覺得自己嘅猜測，好似唔係真係冇可能。

於是岳高頭繼續chok「你又唔係我邊個，會唔會管得多左D呢」

啪。

黑澤優一嘅理智線，宣告斷裂，眼前一片黑暗。

卜卜，卜卜。

耳邊係自己加快左嘅心跳聲，心口感受到唔屬於自己嘅脈動，黑澤意識到自己做左乜嘅時候，佢已經劈低左個公事包，兩步咁衝左上去一手扶住安達後頸一手攬住腰，將個人攬到實一實。

「……」空氣突然安靜，成個世界剩番兩個人逐漸重合嘅心跳聲。

「下一班列車將以，康城為尾站…」同埋依然係好熟悉嘅果把女聲。

黑澤把聲都震震地，「我…都知我唔係你邊個…」

佢都知道自己今次真係衰太衝動，但家陣都洗濕左個頭，唯有頂硬上！

「但其實我…一直都好想做可以名正言順陪喺你身邊嘅果個人…」佢唔敢望安達，只能愈攬愈實，喺安達耳邊將自己收埋左七年嘅說話全部講出口，而家再唔講嘅話，佢怕自己冇機會。

「自從你當年喺公園安慰左我之後，我就控制唔到自己。咁多年黎我一直都默默咁睇住你，唔夠膽同你講係因為我好驚啊…我好怕我踏出左第一步之後我地會連同事都冇得做」

「我知你中意可愛嘅女仔，冇可能會中意男人，成日同自己講唔應該奢望同你會有D咩發展…我好清楚唔應該咁大想頭，但係我…」

黑澤深吸一啖氣，逼自己冷靜番少少先拉開左距離，扶住安達膊頭，面對面望住佢，用最鄭重嘅聲線，最深情嘅眼神望向心目中最重要嘅果個人。

「安達，我中意你」黑澤優一埋藏喺內心深處嘅秘密喺主人嘅一時衝動之下，完全坦露左喺當事人嘅面前。

曾幾何時佢都有幻想過自己會喺迪士尼城堡前面，拎住紮花向安達正式表白，但今晚發生嘅所有意外都令佢想像過嘅果幾百個表白情景，永遠變成幻想。

黑澤優一終於，向暗戀多年嘅安達清表左白。

安達清唔知要點樣面對呢個堪稱世界級嘅情景，由黑澤衝過黎攬住佢果下個腦就開始完全function唔到，成個人hang左機硬哂軚咁棟左喺度。

短短幾秒鐘，佢成個腦入面都係下！？

真心咩？

登入/註冊後可看大圖

黑澤優一喺自殺式表白之後鳩衝左上康城車，用褲袋張八達通出左閘之後去左海傍果頭散步，因為個人太灰太sad，完全發現唔到自己原來係兩手fing fing，靜係識得望住個海想當年。

登入/註冊後可看大圖